【CRM資料】咩係Segmentation？做好市場區隔搜集客戶數據

1. 咩係Segmentation（市場區隔）？
2. 4 種Segmentation 方法
3. Segmentation 重要性
4. 點樣搜集對公司有價值嘅客戶資料？
5. Segmentation九宮格

**咩係Segmentation（市場區隔）？**Segmentation 可以將唔同消費者嘅性別、年紀、學歷、價值觀、行為等因素，將唔同客戶個體歸納成唔同客戶群，為唔同類型客戶群度身訂造營銷策略，為品牌留低好印象。4 種Segmentation 方法既然segmentation 好處咁多，JuicySuite 為你推薦做segmentation 嘅四種方法：Demographic Segmentation （人口區隔）關於人口嘅數據一般都比較容易搜集，例如從網頁獲得瀏覽者嘅數據、會員資料等，人口區隔亦係最常被企業使用嘅方法之一。顧名思義，人口區隔透過性別、年齡、性別、收入、教育、種族等嘅人口數據進行分類；如果係B2B 業務，亦可以就客戶公司規模、行業、業務技能等資料作區隔。**Geographic Segmentation （地理區隔）**地理區隔就係以客戶國家、城市、地區了解唔同客戶嘅購買喜好。如果係跨國企業，地理區隔可以有效幫助營銷人員理解客戶因為唔同文化、地域嘅思考模式，同時根據其地理位置、氣候等特點，設計相應嘅營銷策略。**Behavioural Segmentation （行為區隔）**行為區隔就係利用唔同用戶或客戶群嘅消費習慣、用戶狀態、品牌互動程度等行為模式作區隔。使用CRM 就可以以系統直接記錄數據，確保數據準確，開發同使用CRM 嘅成本亦較低。**Psycholographic Segmentation （心理區隔）**心理區隔多用於解決客戶對營銷策略未有預期反應時最為有效，企業需要透過訪問形式，了解客戶嘅人格特質、價值觀、興趣、生活模式、心理因素、個人喜好等，心理區隔需要透過深入研究同分析先可以獲得資訊。Segmentation 嘅重要性設計營銷策略（Marketing Strategy）想避免因廣泛使用信息而錯過潛在客戶，你可以按客戶群嘅需求，制定更貼合客戶需要嘅營銷信息。例如落數碼廣告時，包括互聯網廣告、流動廣告及社交媒體廣告等，你可以按目標客戶嘅年齡、興趣、地理位置、購買習慣等條件定位受眾；定義廣告受眾後，就可以根據目標受眾嘅詳細特徵刊登更具針對性嘅廣告。吸引並轉換優質潛在客戶（Leads）更清晰、直接及具針對性嘅營銷信息可以令廣告更有效吸引合適嘅觀眾群，即品牌嘅潛在客戶。如果所設定嘅觀眾群需求與習慣符合原有客戶，能更有效將潛在客戶轉化為買家。提升客戶留存率（Retention Rate）定期紀錄同查看行為區域可以令你更了解客戶嘅行為習慣，例如如果現有顧客已停止光顧一段時間，其中一個行銷策略就係發送推廣同優惠訊息，嘗試挽回現有客戶，減低企業客戶流失率（Churn Rate）。引起共鳴，提升親和力當你了解自己嘅客戶群後，你嘅推廣訊息可更貼合客戶需要，亦能更具體說明品牌信息，從而將品牌從芸芸嘅競爭對手中脫穎而出。能夠清楚道出顧客嘅困難（Pain Point），就可引起顧客對品牌嘅共鳴，以獨特嘅價值建立起品牌與客戶之間嘅聯繫，大大提升品牌親和力。保持自己品牌定位訂立品牌嘅營銷定位可以令你嘅營銷目標保持喺正軌上面。 除此之外，更可以幫助你識別新嘅營銷機會，根據市場需求擴展業務。透過Segmentation，你可以更了解顧客種類，並為某類型公司比較側重嘅顧客度身訂造服務或產品。當你專注細分嘅目標市場嘅時候，你可以搵到服務不足嘅小眾市場（Niche Market），從而開發新產品同服務。**點樣搜集對公司有價值嘅客戶資料？**採訪客戶或銷售團隊要了解客戶，直奔源頭當然係最直接嘅方法之一。你可以就訪問現有客戶、理想客戶及潛在客戶，了解唔同類型市場嘅詳細資料同客戶期望。如果業務屬於B2B形式，亦不妨向銷售團隊了解客戶需要，銷售團隊常花大量時間與客戶合作，透過訪問團隊就可搵出客戶共通點或市場趨勢。參考業務數據運用客戶關係管理工具（CRM Tool）、顧客數據平台（Cusomer Data Portal）及銷售點系統（POS）尋找與消費習慣相關嘅趨勢，包括客戶消費金額、訪問商店頻率及購買產品與服務類型等數據。使用網站分析工具你可以使用唔同分析系統（例如Google Analytics、SEMRush等工具）查找與各種類型市場區隔相關嘅詳細資料及數據。例如，通過用戶訪問過嘅頁面、喺網站上停留嘅時間、引薦網站等數據嚟了解潛在客戶嘅行為同習慣。Segmentation九宮格要區隔唔同類型嘅客戶，你亦可以嘗試用以下嘅Segmentation 九宮格。你需要先收集客戶聯絡資料及以下資料，包括：消費時間（Recency）、消費習慣（Frequency）及消費金額（Monetary Value），分析出客戶終生價值（CLV, Customer Lifetime Value），再按照九宮格開始市場區隔與定位（Segmentation targeting and positioning），從而選擇所需嘅營銷策略與目標客戶。

（由下至上 = 低至高風險客戶；由左至右 = 低至高價值客戶）

你可以視乎客戶購買次數定義接觸客戶屬於高風險或低風險。另外，亦可以以消費頻密程度及金額定義其為高或低價值嘅客戶。按Segmentation 九宮格，右上角及右下角嘅客戶都係比較值得關注嘅群組。你可以就結果結合人口、行為、心理與地理區隔嘅客戶資料與客戶拉近距離，繼而提高客戶留存率（Retention Rate），減少業務嘅客戶流失率（Churn Rate）。對於高消費、高風險嘅客戶，你亦可以優先選擇挽回。你可以集中針對呢類客戶，了解其View Log，經相關嘅Digital Footprint了解客戶喜好，度身訂造符合需求嘅獨家優惠，提升與客戶嘅共鳴感，鼓勵再次消費。而針對低風險、高消費嘅客戶，亦係另一群目標客戶群。呢群客戶已係忠實客戶，只要提高其購物頻率（Frequency）與價錢（Monetary Value），例如提供更多適合需要嘅服務或產品，可以更有效地提升其客戶終生價值CLV。希望透過以上唔同Segmentation 方法可以為你業務發展更上一層樓，即刻聯絡我哋，預約JuicySuite專業團隊進行免費諮詢，發展更適合你嘅CRM 系統。